دہلی : 12 ؍ جولائی (انٹر نیٹ ڈیسک)
آج گوگل سرچ انجن اپنے ڈوڈل پر پانی پوری یا گپ چپ کی تصاویر کو شائع کرتے ہوئے دنیا بھر میں پانی پوری کی اہمیت کو بیان کررہا ہے جو کہ ہندوستان کی چند ریاستوں میں لوگوں کی من پسند غذا کے طور پر استعمال کیا جاتا ہے۔
گوگل نے آج اپنے ڈوڈل پر گپ چپ کا ایک کھیل بھی لگایا ہے جسے کھیلتے ہوئے لوگ پوائنٹس بنارہے ہیں۔
آلو، چنے، مصالحے، یا مرچوں اور ذائقے دار پانی سے بھرے کرکرا خول سے بنا ناشتہ، پانی پوری یا گول گپا جیسے مختلف ناموں سے جانا جاتا ہے۔
تلنگانہ، مہاراشٹرا اور آندھرا پردیش میں لوگ اکثر شام کے اوقات میں عام طور پرپانی پوری کا استعمال کرتے ہیں جو کہ ابلے ہوئے چنے،آلو، املی کے آمیزے، مسالیدار پانی میں ڈبویا جاتا ہے۔ ان علاقوں میں اسے گپ چپ بھی کہا جاتا ہے۔
پنجاب، ہریانہ، دہلی، اتر پردیش اور دیگر شمالی ہندوستانی ریاستوں میں، آلو اور چنے سے بھرے ٹریٹ کو جلجیرہ کے ذائقے والے پانی میں ڈبو کر گول گپا کہا جاتا ہے۔
پچکا یا پھوچکا کا نام مغربی بنگال اور بہار اور جھارکھنڈ کے کچھ حصوں میں استعمال کیا جاتا ہے، اس قسم کا کلیدی جزو املی کا گودا ہے۔
