ہندوستان بھر میں جشن کا ماحول۔اسرو کے سائنسدانوں کو مبارکبادیوں کا سلسلہ جاری
بنگلور: 23 ؍ اگست (ایجنسیز)
ہندوستان کا چاند مشن چندریان۔3 آج اپنے آخری مرحلے میں بھی کامیاب ہوگیا۔
سائنسدانوں کی جانب سے طئے شدہ وقت اور پلان کے مطابق آج چندرائن ۔3 تقریباً 6:04 بجے چاند کی سطح پر اترنے میں کامیاب ہوگیا جس کے بعد ہندوستان بھر میں خوشی کا ماحول دیکھا جارہا ہے۔
اسرو کے مطابق لینڈر چاند کے قطب جنوبی پر ’سافٹ لینڈنگ‘ کرچکا ہے، اور ایسا کرنے والا ہندوستان دنیا کا واحد ملک بن چکا ہے۔ پرگیان روور، جو ایک چھوٹی گاڑی ہے جس کا مقصد چاند کی سطح پر گھومنا ہے، لینڈر سے باہر آجائے گا۔ واضح ہو کہ چندریان-3 نے 14 جولائی کو چاند کے لیے اپنے سفر کا آغاز کیا تھا۔
چندریان 3 کی خصوصیات
ISRO کے مطابق، چندریان-3 لینڈر چندریان-2 سے زیادہ ایندھن اپنے ساتھ لے گیا تھا۔ یہ اس بات کو یقینی بنانے کے لیے تھا کہ لینڈر اپنی لینڈنگ سائٹ میں آخری لمحات میں تبدیلی کرنے کے قابل ہو، اگر اسے ضرورت ہو۔
سائنسدانوں کے مطابق چندریان -3 لینڈر کے چاروں جانب میں سولر پینل ہیں، چندریان -2 میں صرف دو پیانل ہی تھے۔ یہ اس بات کو یقینی بنانا ہے کہ لینڈر شمسی توانائی کو اپنی طرف کھینچتا رہے، چاہے وہ غلط سمت میں اترے، یا نیچے گر جائے۔ اس کے کم از کم ایک یا دو اطراف ہمیشہ سورج کی طرف ہوں گے، اور متحرک رہیں گے۔
چندریان 3 کے چاند پر کامیابی سے اترنے کے بعد کیا ہوگا؟
خلائی جہاز اکثر کچھ آلات اور تجربات اپنے ساتھ لے جاتے ہیں (جنہیں پے لوڈ کہتے ہیں) جو خلا میں کیا ہو رہا ہے اس کا مشاہدہ اور ریکارڈ کرتے ہیں۔
اس کے بعد یہ معلومات سائنسدانوں کے تجزیہ اور مطالعہ کے لیے زمین پر بھیج دی جاتی ہیں۔
وکرم لینڈر اور روور پرگیان پر چھ پے لوڈ پچھلے مشن کی طرح ہی ہیں۔ چاند کے زلزلوں، چاند کی سطح کی حرارتی خصوصیات، سطح کے قریب پلازما میں ہونے والی تبدیلیوں اور زمین اور چاند کے درمیان فاصلے کی درست پیمائش کرنے میں مدد کے لیے ایک غیر فعال تجربہ کا مطالعہ کرنے کے لیے لینڈر پر چار سائنسی پے لوڈز ہوں گے۔
روور پر دو پے لوڈ ہیں، جو چاند کی سطح کی کیمیائی اور معدنی ساخت کا مطالعہ کرنے اور چاند کی مٹی اور چٹانوں میں میگنیشیم، ایلومینیم اور آئرن جیسے عناصر کی ساخت کا تعین کرنے کے لیے ڈیزائن کیے گئے ہیں۔
یہ روور چاند پر 14 دن تک کارکرد رہے گا اور اس کی معلومات اسرو کے سائنسدانوں تک پہنچائے گا۔
