وقف املاک پر بھی دیا متنازعہ بیان
حیدر آباد : 20/جنوری (ایجنسیز)
ہمیشہ اپنے متنازعہ بیانات کے ذریعہ میڈیا میں چھائے رہنے والے بی جے پی کے رکن اسمبلی گوشہ محل راجہ سنگھ نے آج ایک اور متنازعہ بیان دیا ہے۔
ریاست مہاراشٹرا کے ایک مقام پر اپنی تقریر میں گوشہ محل کے ایم ایل اے راجہ سنگھ نے 500 روپے کے نوٹوں پر ہندو دیوتا رام کی تصویر چھاپنے کا مطالبہ کیا ہے۔
రాముడి ఫోటోతో రూ.500 నోట్లు కావాలి – బీజేపీ ఎమ్మెల్యే రాజాసింగ్
రాముడి ఫొటో ఉన్న రూ.500 నోట్లను ప్రధాని రిలీజ్ చేయాలని, ఇది 100 కోట్ల మంది హిందువుల డిమాండ్ అని రాజాసింగ్ పేర్కొన్నారు. pic.twitter.com/IZo0lSxzmo
— Telugu Scribe (@TeluguScribe) January 20, 2024
انہوں نے کہا کہ امریکہ اور تھائی لینڈ سمیت کئی یوروپی ممالک پہلے ہی کرنسی نوٹوں پر ہندو دیوتاؤں کی تصویریں چھاپ چکے ہیں۔
انہوں نے بتایا کہ سو کروڑ ہندو 500 روپے کے نوٹ پر بھگوان رام کی تصویر چھاپنے کا مطالبہ کر رہے ہیں۔
اسی طرح انھوں نے ملک میں وقف بورڈ کے تحت موجود اراضی پر بھی متنازعہ بیان دیا اور حکومت سے مطالبہ کیا کہ وہ وقف اراضیات کو آزاد (ریلیز) کردیں۔
انھوں نے الزام عائد کیا کہ اُس وقت کے وزیر اعظم نہرو نے تقسیم کے دوران ہندوستان چھوڑنے والوں کی جائیدادوں کے تحفظ کے لیے وقف ایکٹ لایا تھا۔
انہوں نے کہا کہ صرف مہاراشٹر میں وقف بورڈ کے نام پر 10 لاکھ ایکڑ زمین ہے۔
مہاراشٹر حکومت ان زمینوں کو وقف بورڈ سے ریلیز کروائے۔
