جماعت اسلامی تلنگانہ نے کانگریس کے 69 اور بی آر ایس کے 41 امیدواروں کو اپنی تائید کا اعلان کردیا

حیدر آباد : 22/نومبر (اپنا وطن نیوز)

جماعت اسلامی ہند تلنگانہ نے جاریہ اسمبلی انتخابات میں مختلف سیاسی پارٹیوں کو اپنی تائید کا اعلان کردیا ہے۔

امیر حلقہ جماعت اسلامی ہند تلنگانہ محمد خالد مبشر الظفر کی جانب سے جاری کردہ فہرست کے مطابق جماعت اسلامی تلنگانہ نے کانگریس کے 69، بی آر ایس کے 41، مجلس اتحاد المسلمین کے 7، بی ایس پی کے ایک اور کمیونسٹ پارٹی آف انڈیا کے ایک امیدوار کو اپنی تائید کا اعلان کیا ہے۔

جماعت اسلامی نے عادل آباد، گوشہ محل، عالم پور،عنبر پیٹ،بالکنڈہ ، نانسواڑہ،بھونگیر،پھوپال پلی، بوتھ، بودھن، چیوڑلہ،دوباک ،گجویل،حسنہ آباد،جڑچرلہ، جگتیال،جکل، کاما ریڈی ، کریم نگر،خیریت آباد،صنعت نگر ،سنگا ریڈی ،سکندرآباد،سری لنگم پلی، سدی پیٹ ، سرسلہ،اپل، کورٹلہ،مہشورم،میڈ چل، مدھول،مشیرآباد، ناگر کرنول،نارائن گھیڑ، نارائن پیٹ،نرمل ،نظام آباد رورل،پالاکورتی، پٹن چیرو،قطب اللہ پور، راجندر نگر سے بی آر ایس پارٹی کے امیدواروں کی حمایت کا اعلان کیا ہے

جبکہ اچم پیٹ،آلیر،اندول ،آرمور، آصف آباد،آسواراؤپیٹ،بیلم پلی، بھدرا چلم،چنور، چپہ دنڈی ، دیور کنڈہ، دیورا کدرا،دھرم پوری، ڈورنکل،گدوال،اسٹیشن گھن پور،حضورآباد، حضور نگر، ابراہیم پٹنم،جنگاؤں ، جوبلی ہلیز،کلوا کورتی ، کھمم،ستو پلی ، سکندر آباد کنٹومنٹ،شاد نگر ،سوریہ پیٹ، تانڈور،تنگو توری،ویملواڑہ،وقارآباد، ونپرتی،ورنگل ایسٹ، ورنگل ویسٹ،ویرا، ایلندو، ایلا ریڈی،ظہیر آباد،میں کانگریس پارٹی نمائندوں کو اپنی حمایت کا اعلان کیا ہے۔

بتایا جاتا ہے کہ جماعت اسلامی کے ریاست بھر میں موجود یونٹس کی جانب سے مقامی سطح پر اپنے کارکنان و معاونین کے ذریعہ سروے منعقد کروائے گئے تھے اور اس سروے کی بنیاد پر نیز مقامی حالات کو مدنظر رکھتے ہوئے جماعت اسلامی نے مختلف حلقہ جات اسمبلی میں مختلف پارٹیوں کے امیدواران کو اپنی تائید کا اعلان کیا ہے۔

ایسے حلقہ جات اسمبلی جہاں پر فرقہ پرست پارٹیوں اور امیدواروں کے جیتنے کے امکانات زیادہ تھے وہاں پر جماعت اسلامی نے ٹی آر ایس یا کانگریس پارٹی کے سیکولر و طاقتور امیدوار کو تائید کا فیصلہ کیا تا کہ بی جے پی پارٹی امیدوار کو شکست فاش دی جاسکے۔

Share this post:

Related Posts

نرمل ضلع یوتھ کانگریس صدرکی حیثیت سے کامیاب بنانے شیخ نعمان کی اپیل

بی جے پی ’سب کا ساتھ، سب کا وکاس‘ کا نعرہ دینا بند کرے : سویندو ادھیکاری

بہار کو خصوصی ریاست کا درجہ دینے نتیش کمار کی پارٹی کا مطالبہ